Իրանը «անհապաղ պատասխան չի տալու» Իսրայելին. Reuters
Հայաստան
Իրանը չի ծրագրում «անհապաղ պատասխան հարված» հասցնել ապրիլի 19-ի գիշերը իրանական օբյեկտների վրա հարձակումից հետո, Reuters-ին հայտնել է իրանցի բարձրաստիճան պաշտոնյան՝ անանուն մնալու պայմանով:
Նա նաև ասել է, որ Իսրայելի անմիջական մասնակցությունը չի հաստատվել։ «Միջադեպի արտասահմանյան աղբյուրը չի հաստատել։ Մենք արտաքին հարձակման ոչ մի հաստատում չենք ստացել»,- ասել է աղբյուրը։
The New York Times-ի աղբյուրները նախկինում նույնպես չեն բացառել, որ անօդաչու սարքերը, որոնք գրոհել են Սպահան քաղաքի մերձակայքում գտնվող ավիաբազան, արձակվել են Իրանի տարածքից։
ABC-ն, CBS-ը, CNN-ը և Fox News-ը հաղորդում են, որ Իսրայելը հարվածել է Իրանին այս գիշեր՝ վկայակոչելով ամերիկացի պաշտոնյաների աղբյուրները: CNN-ի փոխանցմամբ՝ թիրախները միջուկային օբյեկտներ չեն։
Fox News-ի աղբյուրը Իսրայելի բանակի գործողություններն անվանել է «սահմանափակ»։ Իսրայելի իշխանությունները պաշտոնապես չեն հաստատել հարձակմանը մասնակցությունը։
Ամենադիտված 
Մնաս բարյավ. Րաֆֆի Հովհաննիսյան
