Թուրքական ինքնաթիռը ռումբի առկայության պատճառով վթարային վայրէջք է կատարել

Türk Hava Yolları Ստամբուլ-Քիշինև չվերթ իրականացնող թուրքական ավիաուղիների ինքնաթիռը վթարային վայրէջք է կատարել թռիչքից որոշ ժամանակ անց. չորեքշաբթի հաղորդում է Trend.az-ը՝ հղում կատարելով Ilhas գործակալությանը:

Վթարային վայրէջքի պատճառ է դարձել օդանավում գտնվող ռումբի մասին տեղեկությունը: Ստամբուլում Աթաթուրքի անունը կրող օդանավակայանում վայրէջք կատարելուց հետո ինքնաթիռը խուզարկվել է:

Ռումբի որոնման աշխատանքները շարունակվում են: Ձերբակալվել է մեկ մարդ: