Քանի՞ տեսակ զենք է արտադրում Ադրբեջանը․ Ալիևը կրկին պարծեցել է

Պետությունը հատուկ ուշադրություն է դարձնում Ադրբեջանի պաշտպանունակության ամրապնդման և նրա ազգային անվտանգության ապահովման հարցերին, և այդ ոլորտների հետագա զարգացումն առաջնահերթ ուղղություններից է։ Գրում է Հրապարակը։ 

Այս մասին ասված է Ադրբեջանի նախագահ Իլհամ Ալիևի ուղերձում՝ ուղղված Ադրբեջանի պաշտպանության միջազգային ADEX-2024 ցուցահանդեսի 5-րդ տարեդարձին և Securex Caspian ներքին անվտանգության, անվտանգության և փրկարարական սարքավորումների 14-րդ միջազգային ցուցահանդեսի մասնակիցներին։
Նրա խոսքերը մեջբերում են տեղի ԶԼՄ-ները:

«Վերջին տարիներին մեր երկրի պաշտպանական արդյունաբերությունը զարգանում է շատ արագ տեմպերով, ժամանակակից չափանիշներին համապատասխանող արտադրամասերի բարելավման հետ մեկտեղ, հաջողությամբ աշխատանքներ են տարվում նաև նոր արտադրական ճյուղերի ստեղծման ուղղությամբ:

Իրրականացվել են բարեփոխումներ, մեծացել է մեր երկրում արտադրվող պաշտպանական արտադրանքի տեսականին, և այսօր Ադրբեջանում արտադրվում է ավելի քան 1000 տեսակի ռազմական արտադրանք: Ամբողջ աշխարհում արդյունաբերական ընկերությունները ակտիվորեն հետաքրքրված են մեր արտադրանքով»,- պարծեցել է Բաքվի բռնապետը, ով սեփական երկրի ռազմականացումը պայմանավորում է, իբր, Հայաստանից եկող սպառնալիքներով: 

Իրականում, արյունարբու նախագահի նկրտումներն ավելի խորքային են և հենց այս համատեքստում է, որ երևում են Հայաստանին սպառնացող ուղիղ վտանգները: