Ռուսաստանն աջակցում է Լիբանանի տարածքային ամբողջականությանը. Լավրով

Սեպտեմբերի 27-ին Նյու Յորքում, ՄԱԿ-ի Գլխավոր ասամբլեայի 79-րդ նստաշրջանի շրջանակներում, Ռուսաստանի Դաշնության արտաքին գործերի նախարար Սերգեյ Լավրովը հանդիպել է հանդիպել է Լիբանանի Հանրապետության արտաքին գործերի և արտագաղթողների հարցերով նախարարի պաշտոնակատար Աբդալլահ Բու Հաբիբի հետ:

Ըստ ՌԴ ԱԳՆ-ի՝ զրույցի ընթացքում մտքերի փոխանակություն է տեղի ունեցել Մերձավոր Արևելքում ստեղծվող ռազմաքաղաքական իրավիճակի շուրջ՝ շեշտը դնելով ՝ իսրայելական ռազմաօդային ուժերի կողմից ուժեղացված ռմբակոծությունների ֆոնին Լիբանանի ողբերգական իրադարձությունների վրա։

Լավրովը ցավակցություն է հայտնել Լիբանանում խաղաղ բնակիչների մահվան կապակցությամբ և ընդգծել զինված դիմակայության հետագա սրման և տարածաշրջանային մասշտաբով դրա աճի անթույլատրելիությունը։

Հաստատվել է Ռուսաստանի մշտական ​​դիրքորոշումը՝ ի պաշտպանություն Լիբանանի ինքնիշխանության, միասնության և տարածքային ամբողջականության։ Ընդգծվել է հենց իրենց՝ լիբանանցիների կողմից ազգային օրակարգի հարցերի շուրջ կոնսենսուսային լուծումներ գտնելու անհրաժեշտությունը՝ առանց արտաքին միջամտության։