Օբամայի վարչակազմի ղեկավարը հրաժարական է տվել

ԱՄՆ–ի նախագահ Բարաք Օբամայի աշխատակազմի ղեկավար Վիլյամ Դելին հունվարի 9–ին հրաժարականի դիմում է ներկայացրել։ Այս մասին հաղորդում է «The New York Times»–ը։ Ենթադրվում է, որ Օբամայի աշխատակազմի ղեկավարի պաշտոնը կստանձնի Սպիտակ տան բյուջետային վերահսկողության ղեկավար Ջեյքոբ Լյուն։

Վիլյամ Դելին Սպիտակ տան աշխատակազմի ղեկավարի պաշտոնը ստանձնել էր 2011 թ–ի հունվարին։ Մինչ այդ նա եղել է ԱՄՆ–ի առևտրի նախարարը, և աշխատել է որպես թոփ մենեջեր «JP Morgan» բանկում։ Դելիի հրաժարականի պատճառները չեն հաղորդվում։ 

Օբամայի աշխատակազմի նախկին ղեկավար Ռամ Էմանուելը հրաժարական էր տվել 2010 թվականի հոկտեմբերին, Չիկագոյի քաղաքապետի թեկնածու դառնալու պատճառով։ Միեւնույն ժամանակ Ռամ Էմանուելը դարձել էր ԱՄՆ–ի նախագահի աշխատակազմի առաջին ղեկավարը, ով իր սեփական նախաձեռնությամբ հրաժարվել է այդ պաշտոնից։ 

Սպիտակ տան վարչական եւ բյուջետային կառավարման ղեկավարի հիմնական խնդիրը, որը ղեկավարում է Լյունը, դաշնային բյուջեն ձևավորելու հարցում նախագահին օժանդակելն է, ինչպես նաեւ պետական ֆինանսա–տնտեսական գործակալությունների գործունեությունը մոնիտորինգ կատարելը։ Բացի դա, Սպիտակ տան բյուջետային բաժնի ղեկավարը վերահսկում է նախագահի աշխատակազմի բյուջետային ծախսերը։