Մայթերը դարձել են «барахолка». երևանցիները բողոքում են աղբի քանակից․ MediaHub
Լուսանկարներ
MediaHub-ը շարունակում է բազմաթիվ ահազանգեր ստանալ երևանցիներից այն մասով, որ թեև աղբը հավաքվում է կարծես ժամանակին, բայց մայթերը աղբանոցների են վերածված: Անգամ մայրաքաղաքի կենտրոնը:
Երևանի քաղաքում աղբի քանակն ու ծավալները գնալով ավելանում են, բազմիցս նշել ենք, որ այս խնդրին լուծում է պետք:
MediaHub-ը դեռ մեկ ամիս առաջ օրվա կադր էր հրապարակել՝ այս նույն վայրում բազմոց էր դրված, շուրջը՝ աղբ կուտակված, և ահա այժմ նույն վիճակն է (տես լուսանկարը):
Այն ժամանակ Երևանի քաղաքապետարանից հետաքրքրվել էինք՝ որտե՞ղ պետք է ոչ կենցաղային աղբը քաղաքացիները թափեն, և ո՞վ պետք է այն հավաքի, քանզի մեզ դիմած քաղաքացիներն ահազանգել էին, որ նմանատիպ աղբը՝ կահույք, տեխնիկա, ներքնակներ և այլն, օրերով մնում են աղբամանի կողքին և աղբահանության ժամանակ դրանք չեն տարվում:
Ի պատասխան մեր հարցման` Երևանի քաղաքապետարանից հայտնել էին, որ «Երևանի աղբահանություն և սանիտարական մաքրում» հիմնարկն այդպիսի ծառայություն չունի, և այսօրինակ աղբն աղբամանի կողքը գցելը, փողոցում թողնելընօրենքի խախտում են։ «Կենցաղային աղբի աղբամանների կողքը որևէ այլ տեսակի աղբ թողնելը օրենքի խախտում է»,- շեշտել էին կառույցից։
Փաստացի, լուծումը դեռ չի գտնվել, մայրաքաղաքի փողոցներն են կամաց-կամաց նմանվում են աղբավայրերի:
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
