Սիրիայում կառավարական բանակը հետ է մղել ապստամբներին Դամասկոսի օդանավակայանից

Սիրիայում կառավարական բանակը հինգշաբթի օրը հետ է մղել զինյալներին Դարայա և Աքրաբա բնակավայրերից՝ զրկելով ապստամբներին Դամասկոսի բնակելի թաղամասերը և դեպի օդանավակայան տանող ավտոճանապարհները գնդակոծելու հնարավորությունից. այս մասին հաղորդում է Al Watan-ը:

Զինվորականներն ազատում են զինյալներից երկրի հարավ-արևմտյան հատվածի բերքատու հողերի շրջանները, որտեղ կարող էին թաքնվել ապստամբները:

Հարձակումն առաջ է գնում նաև այլ ուղղություններով, մասնավորապես՝ Բեյթ-Սիհեմ-Դիյաբիյա-Էլ Հոջեյրա, ինչպես նաև Դումա և Էրբին քաղաքների մոտակայքում: Սիրիական ղեկավարությունը հերքում է արաբական հեռուստաալիքների՝ Դամասկոսի արվարձաններում կրիտիկական իրավիճակի մասին տեղեկությունները:

Ըստ ռազմական աղբյուրների՝ մի քանի թաղամասերում շրջափակվել և ոչնչացվել են Ալ Քաիդայի զինյալների խոշոր խմբավորումներ, տասնյակ ապստամբներ սպանվել են: