Բայդենը դեմ է Իսրայելի՝ Իրանի միջուկային օբյեկտներին հարվածներին

ԱՄՆ նախագահ Ջո Բայդենը դեմ է արտահայտվել Իսրայելի՝ Իրանի տարածքում միջուկային օբյեկտներին հարվածելու գաղափարին։ Այս մասին նա լրագրողներին ասել է G7-ի առաջնորդների հետ Իրանի դեմ նոր պատժամիջոցների քննարկումից հետո՝ կապված Իսրայելի վրա հարձակման հետ, փոխանցում է ՏԱՍՍ-ը։

«Պատասխանը ոչ է»,- ասել է Բայդենը՝ պատասխանելով այն հարցին, թե արդյոք ինքը կաջակցի Իսրայելի նման պատասխանին:

Նա նշել է, որ ԱՄՆ-ն Իսրայելի հետ կքննարկի իրենց հետագա քայլերը։

Ամերիկայի նախագահն ընդգծել է, որ Վաշինգտոնը ճանաչում է Իրանի դեմ պատասխան գործողություններ ձեռնարկելու երկրի իրավունքը, սակայն դա պետք է համաչափ լինի։

Հոկտեմբերի 1-ի երեկոյան իսրայելական բանակը հայտարարեց Իրանի վրա 100-ից ավելի հրթիռների օգտագործմամբ զանգվածային հրթիռային հարձակում սկսելու մասին։ Իսրայելի ողջ տարածքում օդային ռմբակոծման նախազգուշացում հայտարարվեց։ Պետքարտուղարի տեղակալ Քուրթ Քեմփբելը հայտարարել է, որ Միացյալ Նահանգները Իսրայելի հետ միասին քննարկում են պատասխան տարբերակները։