Իսրայելական հատուկ ծառայության թիրախը նաև Թուրքիան է. CNN Türk

Թուրքական CNN TÜRK հեռուստաալիքի լրատվական բաժնի տնօրեն Նիհաթ Ուլուդաղն անդրադարձել է տարածաշրջանում Իսրայելի նկրտումներին:

Նա պնդել է, որ Իսրայելը ներկայումս անում է այն, ինչի համար բավականին լավ հիմք է դրել:

«Հոգեբանական պատերազմի տեխնիկաներով՝ MOSAD-ի (Իսրայելի հետախուզական ծառայություն-խմբ․) գործակալներով և հետախույզներով նախ թիրախ հանդիսացող երկրի տնտեսությունն են փլուզում, հետո ստեղծում են քաղաքական անկայունություն և պառակտություններ մտցնում:

Այնտեղ էլ հասարակության արժեքային դատողությունները տարանջատում են միմյանցից ու մեկը մյուսին թշնամի դարձնում, և այսպես արդեն պատրաստ է օպերացիայի համար»,-ասել է նա:

Ուլուդաղը նշել է նաև, որ այդպես է եղել նախ Պաղեստինի Գազայի հատվածում, իսկ այժմ՝ Լիբանանում:

«Հերթում Սիրիան էլ կա, վտանգի տակ է նաև մեր ներքին ամրոցը: Քայլ առ քայլ իրականացվող ծրագիր կա»,-հավելել է նա:

Հեռուստաալիքի լրատվական բաժնի տնօրենը նշել է նաև, որ վերջին ամսիներին Թուրքիայում բազմաթիվ օպերացիաներ են իրականացվել MOSAD-ի դեմ:

«Էրդողանն էլ է հայտարարել, որ Թուրքիայի ներքին ճակատը վտանգի տակ է»:

Ուլուդաղը նաև ընդգծել է, որ հասարակական միջադեպեր հրահրելու համար իսրայելական հատուկ ծառայության լրտեսների կողմից հաճախակի ընտրվող տարբերակը սոցիալական մեդիան է:

«Քաղաքացին չպետք է հավատա սոցիալական մեդիայում իր տեսած ամեն բանի: Սա շատ կարևոր է, քանի որ նպատակը հետևյալն է. ամրոցը դարձնել անպաշտպանունակ՝ խաղաղությունը փչացնելով և հասարակության մեջ եղած արժենքերը միմյանց նկատմամբ թշնամական դարձնելով»,-ասել է  Ուլուդաղը:

Այս թեմայով Աննախադեպ լարված իրավիճակ՝ Մերձավոր Արևելքում․ ինչո՞ւ Իսրայելը Գուտերեշին անցանկալի անձ ճանաչեց (տեսանյութ) Բայդենը դեմ է Իսրայելի՝ Իրանի միջուկային օբյեկտներին հարվածներին Մենք թշնամի կհամարենք ցանկացած պետության, որն իր օդային տարածքը կտրամադրի Իսրայելին. Իրանի արտգործնախարար Կոչ ենք անում շտապ և վճռականորեն միջամտել. Իրանը դիմել է ՄԱԿ-ին Թուրքիան չի մասնակցում Հունաստանում մեկնարկած ՆԱՏՕ-ի օդային զորավարժություններին