Էմինեմը պապիկ է դառնալու (լուսանկար, տեսանյութ)

Ռեփեր Էմինեմը սոցիալական ցանցերում հրապարակել է Temporary երգի տեսահոլովակը, որում հայտնել է, որ շուտով պապիկ է դառնալու։

Արխիվային կադրերից արված հուզիչ տեսանյութում երևում է, թե ինչպես է Հեյլի Ջեյդ Սքոթը մեծանում։ Կա նաև մի պահ, երբ աղջիկը հորը պատմում է իր հղիության մասին՝ նրան տալիս է «Պապիկ թիվ 1» մակագրությամբ շապիկ և ցույց տալիս ուլտրաձայնի լուսանկարը։

Temporary կոմպոզիցիան ռեփերի երեխաներին նվիրված երկու ստեղծագործություններից մեկն է նրա նոր The Death of Slim Shady ալբոմից։ Մեկ այլ սինգլում՝ Somebody Save Me, երաժիշտը ներողություն է խնդրել Հեյլիից և նրա եղբորից՝ թմրամոլության և ալկոհոլային կախվածության համար, ինչի պատճառով՝ նա բաց է թողել նրանց մանկության և երիտասարդության շատ կարևոր պահեր։