Ռուսաստանի ԱԳՆ-ն նշել է միջուկային դոկտրինի թարմացման պատճառը

Ռուսաստանի Դաշնությունը թարմացնում է իր միջուկային դոկտրինը և ՌԴ ԱԳՆ-ն նշել է դոկտրինի թարմացման պատճառը ՌԴ փոխարատգործնախարար Ալեքսանդր Գրուշկոյի հաղորդմամբ՝ ՌԴ-ն վերանայում է իր միջուկային դոկտրինը, քանի որ Մոսկվայում հաշվի են առնվում մի շարք հանգամանքներ, որոնք ազդում են ռազմավարական կայունության, անվտաnգության և պաշտպանունակության վրա։

«Այդ նպատակով մենք թարմացնում ենք միջուկային զսպման ոլորտում պետական քաղաքականության հիմքերը, որպեսզի հակառակորդները պատրանքներ չունենան մեր պատրաստակամության վերաբերյալ՝ հնարավոր բոլոր միջոցներով ապահովելու Ռուսաստանի Դաշնության անվտանգությունը», - РИА Новости տված հարցազրույցում ընդգծել է Գրուշկոն։

Ավելի վաղ Ռուսաստանի նախագահ Վլադիմիր Պուտինը հայտարարել էր, որ Ռուսաստանի Դաշնությունը իրեն իրավունք է վերապահում օգտագործել միջուկային զենք Բելառուսը պաշտպանելու համար, եթե նրա դեմ ագրեսիայի գործողություն կատարվի։ Երկրի ղեկավարը հավելել է, որ Ռուսաստանի կողմից միջուկային պատասխանը նույնպես կհետևի, եթե Ռուսաստանի Դաշնության վրա օդատիեզերական հարձակում լինի, և եթե այդ տեղեկությունը հավաստի է։ ՌԴ Անվտանգության խորհրդի փոխնախագահ Դմիտրի Մեդվեդևը, մեկնաբանելով Արևմուտքի արձագանքը Ռուսաստանի միջուկային դոկտրինի փոփոխությունները, նշել է, որ որքան զվարճալի է ռիսկեր հայտարարող երկիրը, այնքան մեծ է նրա թիրախավորման հավանականությունը։ Նրա խոսքով, այն երկրներից, որոնք խոսում են Ռուսաստանի Դաշնությանը կանխարգելիչ հարված հասցնելու մասին, եթե Ռուսաստանը պատասխանի թեկուզ մարտավարական միջուկային զենքով, ապա դրանից հետո որպես հետք կմնա միայն «թաց կետ»։

Թարգմանիչ՝ Ժաննա Պողոսյան