Այսօր Մոսկվայի ինքնաթիռի թռիչքը խափանվել է մեկ ուղևորի անհավասարակշիռ բղավոցի պատճառով

Ուղևորի մեկ անհավասարակշիռ բղավոցի պատճառով ինքնաթիռի թռիչք է խափանվել այսօր ՌԴ-ում։ Եկատերինբուրգից Մոսկվա մեկնող ռուսական ավիաընկերության թռիչքը խափանվել է ուղևորի «մենք բոլորս հիմա կպայթենք» արտահայտության պատճառով, այս մասին հայտնում են ռուսական տելեգրամյան ալիկքները։ Դեպքը տեղի է ունեցել Եկատերինբուրգի օդանավակայանում՝ Մոսկվայի թռիչից րոպեներ առաջ, և սա միանգամից տագնապի, ուղևորների արագ տարհանման և կրկնակի ստուգման պատճառ է հանդիսացել։ Արդյունքում՝ ինքնաթիռը ստիպված է եղել վերադառնալ կայանատեղի, իսկ բոլոր նրանք, ովքեր եղել են ինքնաթիռում, կրկին ստուգվել են տերմինալում։ Մասնագետները ստուգել են ինքնաթիռն ու ուղեբեռը, սակայն ոչ մի վտանգավոր առարկա չեն հայտնաբերել։ Ավելի ուշ նույն չվերթի համար նախատեսված ինքնաթիռը երկու ժամ ուշացումով, այդուհանդերձ, մեկնել է Ռուսաստանի մայրաքաղաք: