«Հեզբոլլահն» առաջին անգամ աջակցություն է հայտնել Իսրայեի հետ հրադադարին

«Հեզբոլլահը» հայտարարել է, որ աջակցում է Իսրայելի հետ հրադադար ապահովելու ջանքերին, մինչդեռ Իսրայելի պաշտպանության բանակը շարունակում է թիրախավորել իր բարձրագույն ղեկավարությանը, և երկու բանակներն էլ կտրուկ ավելացրել են իրենց հարձակումները, գրում է The Jerusalem Post-ի լրագրող Թովա Լազարոֆը:

«Հենց որ հրադադարը ձևավորվի, և երբ դիվանագիտությունը հասնի դրան, մյուս բոլոր մանրամասները կարող են քննարկվել և որոշումներ կայացվել», - ասել է «Հեզբոլլահի» փոխնախագահ Նաիմ Քասեմը: «Եթե Իսրայելը շարունակի իր պատերազմը, ամեն ինչ կորոշվի մարտի դաշտում»,-ասել է Քասեմը։

«Մենք աջակցում ենք հրադադարի կարգախոսի ներքո իրականացվող քաղաքական գործունեությանը», - ասել է Քասեմն իր 30 րոպեանոց հեռուստաուղերձում։ Անհասկանալի է, թե արդյոք դա նշանակում է դիրքորոշման որևէ փոփոխություն մեկ տարի անց, երբ խմբավորումը հայտարարեց, որ կռվում է` ի պաշտպանություն պաղեստինցիների Գազայի հատվածում Իսրայելի և ՀԱՄԱՍ-ի պատերազմում և կանգ չի առնի՝ առանց այնտեղ հրադադարի:

Ինչպես հայտնել ենք, ավելի վաղ Իսրայելը «Հեզբոլլահին» հրադադարի պայման է առաջարկել։ Նա պահանջել է, որ «Հեզբոլլահը» վայր դնի զենքերը և դուրս բերի ուժերը երկու երկրների սահմանից։