Գազայի հատվածում Իսրայելի հարվածների հետևանքով՝ 64 պաղեստինցի է զոհվել

Գազայի հատվածում Իսրայելի հարվածների հետևանքով վերջին 24 ժամվա ընթացքում առնվազն 64 պաղեստինցի է զոհվել։ Այս մասին հայտնում է քաթարական Al Jazeera հեռուստաալիքը։

Զոհերի մեծ մասը գրանցվել է պաղեստինյան անկլավի հյուսիսում, որտեղ վեցօրյա պաշարումը ստիպել է ՄԱԿ-ին փակել ապաստարանների վերածված դպրոցները, ինչպես նաև հիվանդանոցները։

Հեռուստաալիքը նշում է, որ 2023 թվականի հոկտեմբերի 7-ից ի վեր Պաղեստինի դեմ իսրայելական ռազմական ագրեսիայի արդյունքում՝ զոհվել է 42 010 մարդ, վիրավորվել է 97 720 մարդ։