Երկրին հազվագյուտ գիսաստղ է մոտենում․ NASA

Գիսաստղը, որը հայտնի է որպես A3 Tsuchinshan-ATLAS, կանցնի Երկրի կողքով 70 միլիոն կմ հեռավորության վրա: Դա տեղի կունենա վաղը՝ հոկտեմբերի 12-ին, հայտնել է NASA-ն։

Գործակալության տվյալներով՝ գիսաստղը կատարում է իր առաջին փաստագրված թռիչքը Երկրի վրայով։ Դրանից հետո այն տեսանելի չի լինի առաջիկա 80 հազար տարվա ընթացքում, թեպետ մեկ այլ մոլորակի ձգողականությունը կարող է փոխել դրա ընթացքը։

Տիեզերական թռիչքների կենտրոնի NASA-ի օդերևութաբանության բաժնի ղեկավարը հայտնել է՝ ինչպես կարելի է տեսնել գիսաստղը։ Պետք է սպասել կատարյալ մթությանը և հարավ-արևմուտքում գտնել Աղեղնավորի և Կարիճի համաստեղությունները։ Ակնկալվում է, որ գիսաստղը տեսանելի կլինի նրանց միջև։

Գիսաստղը հայտնաբերվել է Հարավային Աֆրիկայում՝ Չինաստանի Ցուչինշան աստղադիտարանի դիտորդների կողմից, 2023 թվականին: Այս տարվա սեպտեմբերին և հոկտեմբերի սկզբին C/2023-ը տեսանելի է եղել Հարավային կիսագնդում։