Իրավական առումով՝ Ուկրաինան իրավունք ունի Արևմուտքից ստացած զենքերով հարվածել ՌԴ տարածքին. ՆԱՏՕ-ի գլխավոր քարտուղար
Համաշխարհային Մամուլ
Ուկրաինային Ռուսաստանի Դաշնության տարածքում գտնվող թիրախների դեմ հեռահար զենք կիրառելու թույլտվության հարցը կոնկրետ դաշնակցի խնդիրն է։ Այնուամենայնիվ, բոլոր օրինական հիմքերը կան թույլտվության համար: RBC-Ukraine-ի փոխանցմամբ՝ այս մասին լրագրողներին ասել է ՆԱՏՕ-ի գլխավոր քարտուղար Մարկ Ռյուտեն։
Նրա խոսքով՝ այն հարցը, թե ինչպես կարող են օգտագործվել Ուկրաինային տրամադրվող զենքերը, առանձին դաշնակիցների խնդիրն է։
«Իրավական առումով՝ դա հնարավոր է, քանի որ օրինականորեն Ուկրաինան իրավունք ունի օգտագործել իր զենքը, եթե նրանք կարողանան խոցել թիրախները Ռուսաստանում, և եթե այդ թիրախները վտանգ են ներկայացնում Ուկրաինայի համար։ Բայց թե արդյո՞ք առանձին դաշնակիցներ կանեն դա, ի վերջո, միշտ կախված է նրանցից», - ասել է Ռյուտեն:
ՆԱՏՕ-ի գլխավոր քարտուղարն ասել է, որ այդ հարցը քննարկվել է եռակողմ հանդիպման ժամանակ, որին ներկա են եղել ինքը, Ուկրաինայի նախագահ Վոլոդիմիր Զելենսկին և Մեծ Բրիտանիայի վարչապետ Կիր Սթարմերը։
«Մենք այսօր քննարկել ենք դա, բայց, ի վերջո, դա կախված է առանձին դաշնակիցներից», - կրկնել է Ռյուտեն:
Ամենադիտված 
«Գազելի» վթարի հետևանքով զոհերի թիվն ավելացել է․ նոր մանրամասներ
