Մակրոնն ու Փեզեշքիանը քննարկել են Լիբանանում իրավիճակը
Համաշխարհային Մամուլ
Իրանի նախագահ Մասուդ Փեզեշքիանն ու Ֆրանսիայի նախագահ Էմանուել Մակրոնը հեռախոսազրույց են ունեցել, որի ընթացքում քննարկել են Իսրայելի և լիբանանյան «Հեզբոլլահ» շարժման միջև հրադադարի հասնելու ուղիները, գրում է IRNA գործակալությունը։
Այս բանակցությունները տեղի են ունեցել հարավային Լիբանանում շարունակվող հակամարտության ֆոնին, որտեղ սիոնիստական իշխանությունները ցամաքային գործողություններ են իրականացնում և ինտենսիվ օդային հարվածներ են հասցնում խաղաղ բնակչությանը:
Իրանը, ինչպես նշել է նախագահ Փեզեշքիանը, միշտ հանդես է եկել տարածաշրջանում անվտանգության և կայունության օգտին և ողջունում է ցանկացած ջանք, որն ուղղված է մարտերի դադարեցմանը:
Նա նաև ընդգծել է, որ չնայած Իրանի զսպվածության դրսևորմանը՝ հուլիսին ՀԱՄԱՍ-ի առաջնորդ Իսմայիլ Հանիյեի և լիբանանյան «Հեզբոլլահի» առաջնորդ Հասան Նասրալլայի դաժան սպանություններից հետո, սիոնիստները շարունակում են իրենց սպանություններն ու ցեղասպանությունը Գազայի հատվածում և լիբանանյան տարածքում:
Ամենադիտված 
ՀՀ ՊՆ–ն հայտարարություն է տարածել
