Սիրիայի նախագահը վստահեցրել է, որ Արևմուտքն աջակցում է ընդդիմությանը

Ինչպես հաղորդում է BBC–ն, Սիրիայի նախագահ Բաշար Ասադը Սիրիայի քաղաքացիների առջև հանդես է եկել անսովոր հեռուստատեսային ելույթով։

Դամասկոսի համալսարանում դիմելով հավաքվածներին` նա ասել է, որ իրավիճակը երկրում փորձում են ապակայունացնել, թե՛  արտաքին և թե՛ ներքին ուժերը։

«Ամեն դեպքում արտաքին պայմանավորվածություններն ակնհայտ են բոլորի համար», – նշել է Ասադը։

Վերջին 10 ամիսներին Սիրիայում տեղի ունեցած իրադարձությունները նախագահը բնութագրել է՝ «ցավալի իրողություն»՝ ավելացնելով, որ դրանք լուրջ մարտահրավերներ էին երկրի համար։