Թուրքիայում երկրաշարժի հետևանքով` շուրջ 200 մարդ է տուժել

Թուրքիայի հարավ-արևելքում տեղի ունեցած երկրաշարժի հետևանքով՝ 187 մարդ տուժել է տարբեր աստիճանի ծանրության վնասվածքներ ստանալով, հայտնում են տեղական լրատվամիջոցները՝ վկայակոչելով Թուրքիայի ներքին գործերի նախարար Ալի Երլիքային։

Եվրոպական-միջերկրածովյան սեյսմոլոգիական կենտրոնի տվյալներով՝ 6,1 մագնիտուդով երկրաշարժի էպիկենտրոնը գտնվել է Մալաթիա քաղաքից 47 կմ դեպի արևելք, որտեղ ապրում է մոտ 441 հազար մարդ։ Օջախը գտնվել է 9 կմ խորության վրա։ 

Երկրաշարժը տեղի է ունեցել Երևանի ժամանակով՝ 11:46-ին։