Արկանզասում տարեց կնոջը ստիպել են բանկ թալանել

ԱՄՆ–ի Արկանզաս նահանգում հանցագործները ստիպել են տարեց կնոջը բանկ թալանել։ Այս մասին հաղորդում է «Associated Press»–ը։

Դեպքը տեղի է ունեցել հունվարի 9–ին։ Հանցագործը 73–ամյա Բետտի Դևիսի թիկունքից հարձակվել է և նրան ահաբեկել, թե իր մոտ նռնակ կա և ստիպել է գնալ բանկ։ Միևնույն ժամանակ, ըստ KHBS տեղական հեռուստաալիքի, հանցագործը ստիպել է, որ տարեց կինը կանխիկացնի իր բանկային հաշիվները։

Դեւիսը մուտք է գործել Ֆեյեթվիլ քաղաքի բանկերից մեկը և ահաբեկված հայտնել է, որ իր ոտքին կցված է պայթուցիկ սարք։ Բանկի աշխատակիցներն անմիջապես ոստիկանություն են զանգահարել։ 

Կեղծ պայթուցիկ սարքը ոստիկանների շնորհիվ հանվել է տարեց կնոջ ոտքի վրայից։ Սակայն դեռևս չի հաղորդվել արդյոք դա պայթուցիկ սարք է եղել, թե ոչ։ Դևիսը հայտնել է, որ բացի իրենից հանցագործը պատանդ է վերցրել նաև իր ամուսնուն։ Ոստիկանները տարեց կնոջ ամուսնուն հայտնաբերել են առանձնատան սենյակներից մեկում կապկպված։ Հանցագործի որոնման աշխատանքները շարունակվում են։