Անթալիայի օդանավակայանը հրապարակել է տեսանյութ, ինչպես է 18-ամյա ռուս աղջիկը մտնում զուգարան ծննդաբերելու

Հրապարակվել են առաջին կադրերը Անթալիայի օդանավակայանում ռուս կնոջից, ով զուգարանում ծննդաբերել է ու նորածնին այնտեղ լքելով՝ փախել։

Անթալիայի օդանավակայանի տեսախցիկները ֆիքսել են այն պահը, երբ 18-ամյա Եկատերինա Բուռնասկինան մտնում է օդանավակայան և գնում սանհանգույց։ Սկզբում նա մի հագուստով մտնում է այնտեղ, իսկ մի քանի րոպե անց դուրս է գալիս մեկ այլ հագուստով։

Ծննդկանի փաստաբանը հայտարարել է, որ մինչ ծննդաբերության պահը Եկատերինան մոտ վեց անգամ գնացել է զուգարան՝ մտածելով, որ մարսողության հետ կապված խնդիրներ ունի, իսկ երբ ծննդաբերությունը տեղի է ունեցել, չի հասկացել, թե ինչ է եղել։ Մինչ այս նա իբր չգիտեր, որ հղի է։ Ըստ փաստաբանի՝ այդ պատճառով նա անհարմար է զգացել և լքել երեխային, իսկ ծննդկանի մայրը, իբր, տեղյակ չի եղել կատարվածից և հորդորել է նրան օդանավ բարձրանալ: Այժմ Բուռնասկինան պնդում է, որ ցանկանում է երեխային վերցնել։

Տեսանյութը՝ «Փաստինֆոյի» տելեգրամյան ալիքում։

Աղբյուր` Փաստինֆո