Կահիրեում այրել են «Մուսուլման եղբայրներ»-ի գրասենյակը

Կահիրեում «Մուսուլման եղբայրներ» իշխող կուսակցության գլխավոր գրասենյակում դեկտեմբերի 6-ին կազմակերպած հարձակման ժամանակ հրդեհ է բռնկվել. հայտնում է AFP-ն:

Հրդեհի նախաձեռնության մեջ մասնակցություն է ցուցաբերել շուրջ 2000 մարդ: Գործակալության տվյալներով՝ ոստիկաններին հաջողվել է արցունաբեր գազի միջոցով ցուցարարներին հեռացնել շինության մոտակայքից:

Իսլամիստական կուսակցության շինության վրա հարձակումները տեղի են ունեցել նախագահ Մուրսիի կողմնակիցների և ընդդիմադիրների միջև ծավալված զանգվածային ցույցերի ֆոնի վրա:

Զանգվածային ցույցերը երկրում սկսվեցին այն բանից հետո, երբ նախագահը սահմանադրական հռչակագիր հրապարակեց, որով նախատեսվում էր փոփոխություններ կատարել նոր Սահմանադրության մեջ, ինչը նախագահին անսահմանափակ լիազորություններով էր օժտելու:

Դեեկտեմբերի 5-ին բախումների արդյունքում արդեն մահացել էր 7 մարդ, իսկ վիրավորների թիվը հասնում էր 600-ի:

Դեկտեմբերի 6-ի երեկոյան նախագահը ելույթ է ունեցել պետական հեռուստաընկերությունների եթերում և կոչ արել ընդդիմությանը՝ գնալ երկխոսության: