Լիբանանում այս գիշեր Իսրայելի ավիահարվածներից՝ 13 մարդ է զոհվել, 57-ը՝ վիրավորվել
Համաշխարհային Մամուլ
Լիբանանի առողջապահության նախարարությունը հայտնել է, որ 13 մարդ, այդ թվում՝ երեխա է զոհվել Բեյրութի հարավում գտնվող գլխավոր կառավարական հիվանդանոցի մոտ իսրայելական ավիահարվածի հետևանքով, գրում է BBC-ն։
Առողջապահության նախարարությունը հայտնել է, որ տուժել է 57 մարդ, որոնցից 7-ի վիճակը ծանր է։
Իսրայելական բանակի կողմից որպես թիրախ՝ ընտրվել է մի վայր, որը գտնվում էր Բեյրութի օդանավակայանից 400 մ հեռավորության վրա։ Այն միջազգային օդանավակայան է, որը սպասարկում է Լիբանանը:
Իսրայելը ընդլայնել է իր պատերազմը «Հեզբոլլահի» դեմ ռազմական ենթակառուցվածքներից դուրս և հայտարարել է, որ թիրախավորում է խմբավորման ֆինանսական ցանցերը:
«Հեզբոլլահը» սկսել է հրթիռներ արձակել հյուսիսային Իսրայելի ուղղությամբ պաղեստինցիների 2023 թվականի հոկտեմբերի 8-ին Իսրայելի վրա իր դաշնակից ՀԱՄԱՍ-ի մահաբեր հարձակման հաջորդ օրը:
Այդ ժամանակվանից ի վեր Լիբանանում սպանվել է ավելի քան 2400 մարդ, այդ թվում՝ 1800-ը՝ վերջին հինգ շաբաթվա ընթացքում։ Իսրայելի իշխանությունները հայտնում են, որ 59 մարդ է զոհվել Իսրայելի հյուսիսում և օկուպացված Գոլանի բարձունքներում:
Ամենադիտված 
Քանի՞ օր երեխաները տանը կմնան Ամանորին. արձակուրդի օրերը հայտնի են
