Hurriyet թուրքական թերթն արձագանքել է օմբուդսմենի նշանակմանը

Թուրքիայում խոր անհանգստություն է առաջ բերել Մեհմեդ Օմերօղլուի՝ մարդու իրավունքների պաշտոնում նշանակվելը: Օմերօղլուին հայտնի է Հրանտ Դինքի ամոթալի դատավարությամբ և նրան է պատկանում տխրահռչակ 301 օրենքում վերջին նախադասությունը, որով Հրանտ Դինքը մեղադրվում էր թուրքական կառավարությանը, բնակչությանը հրապարակայնորեն վարկաբեկելու մեջ:

Թուրքական Hurriyet պարբերականը նշում է, որ Թուրքիայում իշխող «Արդարություն և առաջադիմություն» կուսակցության, այսպես ասած, դեմոկրատիայի և երկրում տիրող իրավիճակի տարբերությունը գնալով խորանում է: Վերջերս օմբուդսմենի ընտրությունները հենց դա են փաստում: Օմբուդսմենի պաշտոնը պահանջում է պաշտպանել մարդկանց՝ ընդդեմ կառավարության և անկողմնակալ դատավարություն կազմակերպել, սակայն այդ պաշտոնում նշանակվել է մեկը, ով հայտնի է իր կողմնակալությամբ և կառավարության կողմից դրածո լինելով:

Այս պաշտոնում ընտրվելուց հետո Օմերօղլուն փորձել է արդարացնել իրեն, նշելով, որ դատական փաստաթղթերի վրա Հրանտ Դինքի անունը նշված է եղել որպես Ֆիրաթ: Սակայն նրա մեկնաբանությունը լիակատար աբսուրդ է հնչում. ի՞նչ կապ ունի, թե ում է վերաբերում այդ երևույթը: Փաստն այն է, որ կառավարությունը միջամտում է ազատ ինքնաարտահայտման իրավունքին: Ինչպես նաև հայտնի է, որ Դինքի անունն ամբողջությամբ իր բոլոր տարբերակներով եղել է դատական բոլոր փաստաթղթերի վրա: Հայտնի է, որ նախկինում նա ներկայացրել է կառավարության հետաքրքրությունները: