Շիրակի մարզում սուբվենցիոն 3 ծրագրի համար նախատեսվել է 1 մլրդ 371 մլն 352 հազար դրամ

Շիրակի մարզի Անի համայնքում 2024 թվականին պետություն-համայնք համագործակցությամբ մեկնարկել է սուբվենցիոն 3 ծրագիր՝ 9 ենթածրագրերով, ընդհանուր 1 մլրդ 371 մլն 352 հազար դրամ արժողությամբ: ՀՀ կառավարության համամասնությունը կազմում է 648 մլն 439 հազար դրամ՝ 47.3 տոկոս: Հայտնում են մարզպետարանից՝ մանրամասնելով․ 
 

«Խմելու ջրամատակարարման, ինչպես նաև ջրահեռացման համակարգի կառուցում/նորոգում
 

• Մարալիկ քաղաքի կոյուղագծերի կառուցման աշխատանքներն ընթացքի մեջ են։

• Քաղաքի կոյուղագծերի կառուցման ծրագրի նախահաշվային արժեքը կազմում է 174.2 մլն դրամ, Կառավարությունը կհատկացնի գումարի 65 տոկոսը, համայնքի համամասնությունը 35 տոկոս է:

• Ծրագրից կօգտվի 2000 շահառու, կառուցվելու է 4232 մ երկարությամբ կոյուղագիծ։

Բնակավայրերի փողոցների կառուցում/նորոգում, ասֆալտապատում

• Սառնաղբյուր, Սարակապ, Հայկաձոր բնակավայրերի ճանապարհների շինարարական աշխատանքները ընթացքի մեջ են, իսկ Մարալիկ քաղաքի Հր. Շահինյան փողոցի հիմնանորոգումը համաձայնագրի կնքման փուլում է։

• Բնակավայրերի փողոցների ասֆալտապատման ծրագրի նախահաշվային արժեքը կազմում է 1 մլրդ 127․2 մլն դրամ (պայմանագրային արժեքը կազմում է 656․7 մլն դրամ), գումարի 45 տոկոսը ՀՀ կառավարության համամասնությունն է, համայնքը կհատկացնի 55 տոկոս:

• Ծրագրի արդյունքում ասֆալտապատվելու է 5328 մ երկարությամբ ճանապարհ։

Բազմաբնակարան շենքերի տանիքների նորոգում

• Մարալիկ քաղաքի 4 բազմաբնակարան բնակելի շենքերի տանիքների վերանորոգման շինարարական աշխատանքներն ընթացքի մեջ են։

• Քաղաքի 4 բազմաբնակարան բնակելի շենքերի տանիքների նախահաշվային արժեքը կազմում է 70 մլն դրամ, որից 40 տոկոսը ՀՀ կառավարության համամասնությունն է, համայնքի մասնաբաժինը 50 տոկոս է, բազմաբնակարան շենքերի բնակիչներ կհատկացնեն 10 տոկոս:

• Ծրագրի արդյունքից օգտվելու է 912 բնակիչ, վերանորոգվելու է 3310 քմ տանիք»։