Քննարկելու ենք, թե «Միր» հ/ը տրվող գումարը որքան արդյունավետ է ծախսվում. Արայիկ Հարությունյան

«Մեր միջազգային պարտավորությունների շրջանակներում ամեն տարի գումար է տվում «Միր» միջպետական հեռուստառադիոընկերությանը։ Ենթադրում եմ՝ 1990-ականներից սկսած»,- Ազգային ժողովում  2025 թվականի պետական բյուջեի նախագծի քննարկման ժամանակ ասաց վարչապետի աշխատակազմի ղեկավար Արայիկ Հարությունյանը՝ պատասխանելով հարցին, թե որքանո՞վ է արդարացված «Միր» միջպետական հեռուստառադիոընկերությանը յուրաքանչյուր տարի գրեթե  257 միլիոն դրամի չափով վճար տրամադրելը, հաղորդում է Euromedia24․com-ը։

 

Նա նշեց, որ  այստեղ շատ խաղալու տեղ չունեն։

 

«Բայց բյուջեի վերաբերյալ վերջին քննարկումների ժամանակ, երբ որ խոսում էինք ծախսերի կրճատման և արդյունավետության մասին, անդրադարձել ենք նաև «Միր»-ին։

 

Այս պահին ուսումնասիրություն չունենք,  բայց պատրաստվում ենք քննարկումներ ունենալ՝ հասկանալու, թե տրվող գումարը որքան արդյունավետ է ծախսվում»,- ասաց Հարությունյանը։