Հայդի Քլումի հելոուինյան կերպարը զարմացրել է երկրպագուներին (լուսանկարներ)

Գերմանացի սուպերմոդել, դերասանուհի և հեռուստահաղորդավարուհի Հայդի Քլումը Հելոուինին ներկայացել է Սթիվեն Սփիլբերգի ֆիլմից հայտնի այլմոլորակայինի կերպարով և զարմացրել երկրպագուներին։ Համապատասխան լուսանկարներն ու մեկնաբանությունները հայտնվել են Daily Mail կայքում։

51-ամյա մոդելն իր 35-ամյա ամուսնու՝ Tokio Hotel-ի կիթառահար Թոմ Կաուլիցի ընկերակցությամբ անցել է Նյու Յորքի Hard Rock հյուրանոցի կարմիր գորգի վրայով։ Հայտնիները ներկայացել են այլմոլորակայինների հանդերձանքով։

Պորտալի ընթերցողները բարձր են գնահատել աստղային զույգի կերպարները նյութի տակ գտնվող մեկնաբանություններում։ «Ես սիրում եմ Հելոուինի այսպիսի կրեատիվ կերպարներ», «Նա երբեք չի դադարում զարմացնել», «Ինձ դուր է գալիս, որ Հայդին միշտ ինչ-որ անսովոր և տարօրինակ բան է անում», – գրել են նրանք։