Հարկերը թաքցրած «Զովքի» ղեկավարը հաջողակ տղամա՞րդ է, որ մասնակցում էր Աննա Հակոբյանի․ հարց՝ ՊԵԿ նախագահին

«Զովքի» սուպերմարկետում ստուգումներ էին անցկացվել, պարզվել էր՝ 4 միլիարդի հարկեր չեն մուծվել, որի արդյունքում ձերբակալություններ եղան։ Սակայն, ընդամենը օրեր առաջ «Զովքի» փոխտնօրեն Ռաֆայել Խաչատրյանը մասնակցում էր վարչապետի տիկին Աննա Հակոբյանի կազմակերպած 1 միլիոն դրամանոց ընթրիքին։ Այս մասին ԱԺ-ում ՊԵԿ նախագահ Ռուստամ Բադասյանին հարց ուղղեց լրագրողը՝  «Զովքի» ղեկավարը հաջողակ տղամա՞րդ է, ինչո՞վ է պայմանավորված իրենց հաջողությունը և ինչ փուլում է գործը։ 

«ՊԵԿ նախագահը պատասխանելով հարցին՝ նշեց, որ մոտ 4,2 միլիարդ դրամ գումար վերականգնվել է․ «Մեր օրնսդրությամբ, եթե հարկերն ու տույժերը վերականգնվում են բյուջե և պետության հասցված վնասը հատուցվում է քրեական վարույթը ենթակա է կարճման, ըստ էության այդ հիմքով է քրեական վարույթն ավարտվել։ Հայտնաբերվել էր կոպիտ իրավախախտում, հուսով եմ, որ այդպիսի երևույթներ այլևս չեն արձանագրվի»,- ասաց Բադասյանը։