Բաքվում մեկնարկել է կրոնական առաջնորդների գլոբալ գագաթնաժողովը

Բաքվում մեկնարկել է կրոնական առաջնորդների գլոբալ գագաթնաժողովը, գրում է 1News-ը։

Միջոցառմանը մասնակցում են 55 երկրների ներկայացուցիչներ, ինչպես նաև 30 միջազգային կազմակերպություններ ներկայացնող պետական, գիտական ​​և կրոնական գործիչներ և լրատվամիջոցների ներկայացուցիչներ:

Նշվում է, որ միջոցառման մասնակիցները այցելելու են օկուպացված Արցախի Հանրապետության տարածքներ:

Ադրբեջանի նախագահ Իլհամ Ալիևը գագաթնաժողովին ուղերձ է հղել, որում կրկին անհեթեթ մեղադրանքներ է հնչեցրել հայկական կողմի հասցեին։

Այսպիսով, Ալիևը Հայաստանին մեղադրել է «անարդար պատերազմի մեջ ներքաշելու», «էկոցիդի», «կուլտուրցիդի» և «ուրբիցիդի» մեջ, պնդել, թե իբր «Ադրբեջանը ենթարկվել է ՀՀ–ի կողմից անհիմն տարածքային պահանջների»։