Զելենսկին երկարացրել է Ուկրաինայում ռազմական դրությունն ու մոբիլիզացիան

Ուկրաինայի նախագահ Վոլոդիմիր Զելենսկին ստորագրել է օրենքներ, որոնք երկարաձգում են ռազմական դրությունը և զորահավաքը երկրում մինչև 2025 թվականի փետրվարի 7-ը։ Այս մասին Գերագույն Ռադայի պատգամավոր Յարոսլավ Ժելեզնյակը հայտնել է իր Telegram ալիքում։

«Զելենսկին ստորագրել է օրենքներ, որոնք երկարաձգում են ռազմական դրությունը և ընդհանուր մոբիլիզացիան 90 օրով՝ 2024 թվականի նոյեմբերի 10-ից մինչև 2025 թվականի փետրվարի 7-ը»,- գրել է պատգամավորը։

Ժելեզնյակի խոսքով՝ ռազմական դրությունը ստորագրվել է արդեն 13-րդ անգամ։