Հայտնաբերվել են գեներ, որոնք մեծացնում են կրծքագեղձի քաղցկեղի կրկնության վտանգը
Գիտություն և Մշակույթ
Ջոնս Հոփկինսի համալսարանի գիտնականները հայտնաբերել են 16 գեն, որոնք կրծքագեղձի քաղցկեղի բջիջներն օգտագործում են իրենց ոչնչացումից պաշտպանելու համար: Հետազոտության արդյունքները հրապարակվել են Nature Communications ամսագրում։
Մկների և մարդկային բջիջների վրա փորձերի միջոցով գիտնականները հայտնաբերել են մեխանիզմներ, որոնք օգնում են քաղցկեղի բջիջներին գոյատևել թթվածնի ցածր մակարդակի պայմաններում (հիպոքսիա) և տարածվել ամբողջ մարմնում: Հետազոտողների կարծիքով՝ ուռուցքների ներսում (հատկապես այն հատվածներում, որտեղ թթվածնի պակաս կա) բջիջները հարմարվում են այն սթրեսին, որն ապրում են արյան մեջ մտնելիս։
Հայտնաբերված 16 գեներն օգնում են քաղցկեղի բջիջներին պաշտպանվել թթվածնի ռեակտիվ տեսակներից, որոնք առաջացնում են օքսիդատիվ սթրես: Սա թույլ է տալիս վերջիններիս գաղթել ավելի բարենպաստ տարածքներ, որտեղ նրանք կարող են մտնել արյան մեջ և տարածվել մարմնի այլ մասերում:
Այս հայտնագործությունները գիտնականներին ավելի մոտեցնում են այն մեխանիզմների ըմբռնմանը, ինչը կարող է օգնել մշակել քաղցկեղի ագրեսիվ ձևերի դեմ պայքարի նոր ռազմավարություններ:
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
