Սիսիան-Քաջարան ճանապարհը պատրաստ կլինի 2033 թ-ին․ այն կկառուցվի 708 մլն եվրոյի շրջանակում (տեսանյութ)

Սիսիան-Քաջարան ճանապարհի կառուցման շրջանակներում նախատեսվում է կառուցել 4․7 կմ երկարության 27 կամուրջ, 12․5 կմ երկարության 9 թունել։ Այս մասին այսօր Կառավարության նիստի ժամանակ ասաց ՀՀ տարածքային կառավարման և ենթակառուցվածքների նախարար Գնել Սանոսյանը:

«Թունելներից ամենաերկարը կլինի 8․6 կմ։ Ճանապարհահատվածի կառուցումը կբերի նրան, որ ճանապարհը կկրճատվի 54 կմ-ով, 1․5 ժամով կկրճատվի ճանապարհը։ Մեր գործընկերներից մեկը Ասիական զարգացման բանկ է, որի հետ գտնվում ենք պրոցեսի մեջ, ընդհանուր վարկային մասը կկազմի 708 մլն եվրո, որի շրջանակում կկառուցվի ճանապարհը»,-  նշեց Սանոսյանը։

Նրա խոսքով՝ ծրագիրը նախատեսվում է իրականացնել մինչև 2031 թվականը՝ շինարարությունը, իսկ ընդհանուր ծրագրի ավարտը նախատեսվում է, որ կլինի 2033 թվականը։