Բայդենը մեկնաբանել է Հարրիսի պարտությունը
Համաշխարհային Մամուլ
ԱՄՆ գործող նախագահ Ջո Բայդենը մեկնաբանել է ընտրություններում Քամալա Հարրիսի պարտությունը։ Նա նշել է, որ դեմոկրատ թեկնածուն ընտրապայքարի մեջ է մտել արտասովոր հանգամանքներում, ասվում է Սպիտակ տան կայքում տեղադրված հայտարարության մեջ։
«Ամերիկան տեսավ Քամալա Հարրիսին, ում ես ճանաչում եմ և խորապես հիանում եմ: Արտասովոր հանգամանքներում նա իր վրա պատասխանատվություն վերցրեց և առաջնորդեց պատմական արշավը»,- ասել է Բայդենը։
Նա նաև հավելել է, որ 2020 թվականին Հարրիսին փոխնախագահի պաշտոն առաջարկելու որոշումը առաջինն ու լավագույնն էր։ Բայդենը չի կասկածում, որ փոխնախագահը «կշարունակի պայքարել նպատակասլացությամբ, վճռականորեն և մեծ ուրախությամբ»։
«Նա կշարունակի հաղթող մնալ բոլոր ամերիկացիների համար։ Նա կշարունակի լինել այն առաջնորդը, որին կնայեն մեր երեխաները, գալիք սերունդները, քանի որ նա հետք է թողել Ամերիկայի ապագայի վրա», - ասել է Բայդենը:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
