Եկեք երկխոսենք. Իրանի ԱԳ նախարարը դիմել է Եվրոպային

Թեհրանը պատրաստ է երկխոսության Եվրոպայի հետ, և եվրոպական երկրները պետք է չեղարկեն Իրանի նկատմամբ պատժամիջոցները, հայտարարել է երկրի արտաքին գործերի նախարար Աբբաս Արաքչին գերմանական Der Spiegel ամսագրի թղթակցին տված հարցազրույցում։

«Ես պատրաստ եմ Ռուսաստանի մասին եվրոպացիների հետ  երկխոսության։ Եկեք երկխոսենք և  պատժամիջոցները մի կողմ թողնենք։ Դրանք երբեք չեն օգնել՝ լուծելու Իրանի հետ խնդիրը։ Իմ հայտարարությունը սա է․ մոռացե՛ք պատժամիջոցները։ Դրևանք նախկինում չեն աշխատել, հիմա էլ չեն աշխատի»,- ասել է Արաքչին։

2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ն, Ֆրանսիան և Իրանը կնքեցին միջուկային համաձայնագիր՝ Գործողությունների համատեղ համապարփակ ծրագիր (ԳՀԾ), որը ներառում էր պատժամիջոցների վերացում՝ Իրանի միջուկային ծրագրի սահմանափակումների դիմաց: Միացյալ Նահանգները նախագահ Դոնալդ Թրամփի օրոք 2018 թվականի մայիսին դուրս եկավ ՀԳՀԾ-ից, և վերականգնվեցին Թեհրանի դեմ պատժամիջոցները։ Ի պատասխան՝ Իրանը հայտարարեց համաձայնագրով ստանձնած իր պարտավորությունների փուլային կրճատման մասին։