Բրազիլիան 9000 զինվոր կտեղակայի G20-ի գագաթնաժողովին

Բրազիլիան 9000 զինվոր կտեղակայի G20-ի գագաթնաժողովին, որը կանցկացվի նոյեմբերի 18-19-ը Ռիո դե Ժանեյրոյում անվտանգությունն ապահովելու համար։ Այս մասին, Euromedia24.com-ը, հայտնում է երկրի պաշտպանության նախարարության կայքը։

 

Զինվորականները կվերահսկեն ծովային և ներքին ջրերը, նավահանգիստները, օդային տարածքը, օդանավակայանի անվտանգությունը և կիբեր սպառնալիքները։

 

Նախագահ Լուիս Ինասիո Լուլա դա Սիլվան համապատասխան հրամանագիր է ստորագրել։

 

 

Բրազիլիան ստանձնել է G20-ի նախագահությունը 2023 թվականի դեկտեմբերի 1-ին։ Եզրափակիչ գագաթնաժողովը տեղի կունենա Ռիո դե Ժանեյրոյում նոյեմբերի 18-19-ը։

 

Նախօրեին ՌԴ ԱԳՆ հատուկ հանձնարարությունների գծով դեսպան Մարատ Բերդիևը հայտարարեց, որ Ռիո դե Ժանեյրոյում G20-ի գագաթնաժողովում ռուսական պատվիրակությունը կգլխավորի արտգործնախարար Սերգեյ Լավրովը։