Կիմ Չեն Ընը հրահանգել է ԱԹՍ-ների զանգվածային արտադրություն սկսել

Հյուսիսային Կորեայի առաջնորդ Կիմ Չեն Ընն անձամբ է վերահսկել նոր կամիկաձե հարձակողական անօդաչու թռչող սարքերի փորձարկումը և հրամայել է որքան հնարավոր է շուտ սկսել այդ զենքի զանգվածային արտադրությունը։ Այս մասին ուրբաթ՝ նոյեմբերի 15-ին, հայտնում է dw.com-ը։

«Կիմն ընդգծել է սերիական արտադրության համակարգի հնարավորինս շուտ ստեղծման և լայնածավալ զանգվածային արտադրության անցնելու անհրաժեշտությունը», -հաղորդում է գործակալությունը։

Հյուսիսային Կորեայի առաջնորդը նշել է, որ ամբողջ աշխարհում աճում է մրցակցությունը ռազմական դրոնների կիրառման հարցում։