Բրյուսելում բողոքի ակցիա է տեղի ունեցել՝ ընդդեմ COP29-ի (լուսանկարներ, տեսանյութ)

Նոյեմբերի 10-ին Բրյուսելում տեղի է ունեցել ցույց՝ ի պաշտպանություն մարդու իրավունքների, սոցիալական արդարության և կլիմայի փոփոխության դեմ պայքարի։ Ակցիայի նպատակն էր դատապարտել Ադրբեջանի ընտրությունը որպես COP29 կլիմայական համաժողովի անցկացման վայր՝ մարդու իրավունքների խախտումների ոլորտում ահռելի արդյունքների պատճառով, հաղորդում է Alphanews-ը։

Բելգիայի ՀՅԴ երիտասարդական կազմակերպության անդամ Արամ Գեւորգյանի խոսքով, ակցիայի մասնակիցները հավաքվել էին իրենց հավաքական վրդովմունքն արտահայտելու Ադրբեջանում COP29 համաժողովն անցկացնելու աղմկահարույց որոշման կապակցությամբ։

«Լեռնային Ղարաբաղից բռնի տեղահանված ավելի քան 150.000 հայեր ունեն հիմնարար իրավունք՝ վերադառնալու իրենց նախնիների տարածք։ Վերադարձի այս իրավունքը պետք է իրականացվի միջազգային երաշխիքների համաձայն՝ ապահովելու անվտանգ անցումը և վերաբնակեցումը դեպի իրենց հազարամյա հայրենիք»,- ասել է Արամ Գևորգյանը։