Պուտինը պատրաստ է Թրամփի հետ քննարկել Ուկրաինայում խաղաղությունը․ Reuters
Համաշխարհային Մամուլ
ՌԴ նախագահ Վլադիմիր Պուտինը բաց է Դոնալդ Թրամփի հետ Ուկրաինայում հրադադարի մասին համաձայնագրի քննարկման համար, գրում է Reuters-ը՝ վկայակոչելով հինգ աղբյուրների։ Գործակալությունը պարզաբանում է, որ նախագահը բացառում է նկատելի տարածքային զիջումների հնարավորությունը։ Ըստ պարբերականի՝ Ռուսաստանը չի հանդուրժի նաև Ուկրաինայի մուտքը ՆԱՏՕ կամ ՆԱՏՕ-ի զորքերի ներկայությունը ուկրաինական տարածքում։
Ինչպես գրում է Reuters-ը, Կրեմլն ամբողջությամբ կարող է համաձայնել սառեցնել հակամարտությունը առաջնագծում։ Կարելի է բանակցություններ վարել չորս շրջանների՝ Դոնեցկի և Լուգանսկի ժողովրդական հանրապետությունների, Զապորոժիեի և Խերսոնի շրջանների նոր սահմանների հստակ սահմանման շուրջ։ Գործակալության աղբյուրները նաև կարծում են, որ Ռուսաստանը կարող է հրաժարվել Խարկովի և Նիկոլաևի շրջաններում գտնվող տարածքներից։
Նշենք, որ ավելի վաղ նախագահի մամուլի քարտուղար Դմիտրի Պեսկովն անընդունելի էր անվանել առաջնագծի երկայնքով կոնֆլիկտի սառեցումը։ Բացի այդ, Վլադիմիր Պուտինը այս տարվա հունիսի 14-ին ասել էր, որ խաղաղ բանակցություններ սկսելու համար Ուկրաինան պետք է զորքերը դուրս բերի բոլոր չորս նոր շրջաններից։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
