Հայաստանը Հնդկաստանի հետ բանակցություններ է վարում ևս 78 միավոր հրետանային համակարգեր գնելու շուրջ. IDRW

Հայաստանը բանակցում է Հնդկաստանի հետ ևս 78 միավոր ATAGS քարշակային հրետանային համակարգի գնման շուրջ։ Այս մասին գրել է Indian Defence Research Wing (IDRW) պարբերականը։

«Դրանք հաջորդել են ATAGS-ների հաջող ցուցանիշներին, որոնք մատակարարվել են Հայաստան։ Դրանք դրսևորել են բացառիկ հնարավորություններ երկրի տարբեր լանդշաֆտներում։

Հրատարակությունը նշում է, որ վեց հաուբիցներից բաղկացած առաջին խմբաքանակը լայնածավալ փորձարկումների է ենթարկվել Հայաստանում, այդ թվում՝ բարձրլեռնային գոտում և հարթավայրում։ Փորձարկումները հաստատել են երկար հեռավորությունների վրա ճշգրտությունը և բարձր հուսալիությունը, ինչը դրդել է Հայաստանի իշխանություններին մտածել ավելի մեծ մասշտաբով գնումներ կատարելու մասին:

Հեռանկարային գործարքը լրացուցիչ 78 միավոր ATAGS-ի վերաբերյալ նշանավորում է ևս մեկ փուլ Հայաստանի և Հնդկաստանի միջև աճող պաշտպանական համագործակցության մեջ։ Մինչ այդ Հայաստանը գնել էր Pinaka կայանքներ և այլ պաշտպանական սպառազինություն»,- գրել է պարբերականը։