Հաջորդ տարվանից Արցախից տեղահանվածների աջակցությունը կնվազի և կվերաբերվի կոնկրետ թիրախային խմբերին
Արցախ![Հաջորդ տարվանից Արցախից տեղահանվածների աջակցությունը կնվազի և կվերաբերվի կոնկրետ թիրախային խմբերին](/rs.php?image=/disc/21-11-24/5dd17f150a63f695d74470dc60b764a1.jpg&w=780)
2025 թվականի հունվար-մարտ ամիսներին բռնի տեղահանվածներին դրամական աջակցությունը կկազմի 50 հազար դրամ և 40+10 ծրագիրը կգործի մինչև մարտ։ Այս մասին որոշումը կայացվեց կառավարության այսօրվա նիստին։
Արդեն ապրիլից մինչև հունիս ընկած ժամանակահատվածում Արցախից բռնի տեղահանվածների աջակցության չափը կնվազի և կկազմի 40 հազար դրամ և այն կստանան կոնկրետ խմբեր՝ անչափահասները կամ 18 տարին լրացած, բայց բարձրագույն կրթություն ստացող քաղաքացիները, 63 տարեկանից բարձր տարիքի անձինք , կերակրողին կորցրածները և 1-ին ու 2 -րդ խմբի հաշմանդամություն ունեցողները։
Այսինքն այս սոցիալական խմբերից դուրս գտնվող մյուս անձինք մարտից այլևս դրամական աջակցություն չեն ստանա։
Արդեն հուլիսից-դեկտմբեր ընկած ժամանակահատվածում Արցախից տեղահանված կոնկրետ թիրախային խմբերը կստանան ամսական 30 հազար դրամ աջակցություն։
![](https://lurer.com/banners/armflix.jpg)