Եվրահանձնաժողովի ղեկավարը փրկել է ինքնաթիռում վատացած տղամարդուն․ Bild

Եվրահանձնաժողովի նախագահ Ուրսուլա ֆոն դեր Լայենը փրկել է Ցյուրիխից Բրյուսել մեկնող Swiss Air ավիաընկերության LX780 չվերթի ուղեւորին։ Այս մասին հայտնում է Bild-ը՝ վկայակոչելով ուղեւորներից մեկին, գրում է Euromedia24.com-ը։

 

«Մենք վերադառնում էինք Բրյուսել, երբ ուղևորներից մեկը օգնության կարիք ուներ, ինչպես միշտ, անձնակազմը խնդրեց բժշկական գիտելիքներ ունեցողներին արձագանքել», -ասել է ֆոն դեր Լայենը:

 

Նշվում է, որ ինքնաթիռն արտակարգ վայրէջք է կատարել Բրյուսելի օդանավակայանում, որտեղ տուժածին դիմավորել են բժիշկները։ Ականատեսների վկայությամբ՝ մնացած ուղեւորները մնացել են ինքնաթիռում, մինչդեռ Ֆոն դեր Լայենը  բժիշկների հետ օգնություն է ցուցաբերել։

 

Ֆոն դեր Լայենը բժշկական կոչում է ստացել Հանովերի բժշկական դպրոցում, որտեղ նա ստացել է դոկտորի կոչում 1991 թվականին: Նա նշել է, որ բժիշկների համար նման իրավիճակներում օգնելը պարտավորություն է։ Հրապարակումը պարզաբանում է նաև, որ նա առաջին անգամը չէ, որ թռիչքի ժամանակ օգնության է հասնում ուղևորներին։