Զելենսկին Կիրկորովին, Լորակին և ևս 32 արտիստի զրկել է պետական ​​պարգևներից

Վլադիմիր Զելենսկին հրամանագիր է ստորագրել, որով 34 մարդ զրկվել է Ուկրաինայի պետական ​​պարգևներից և կոչումներից, մասնավորապես՝ Մոսկվայի և Համայն Ռուսիո պատրիարք Կիրիլը, երկրի նախկին վարչապետ Նիկոլայ Ազարովը, ռուս արվեստագետներ Նիկոլայ Բասկովը և Ֆիլիպ Կիրկորովը։ Այս մասին հաղորդում է Svoboda-ն։

«Վլոոդիմիր Զելենսկին հրամանագիր է ստորագրել, որով ուժի մեջ է մտել Ազգային անվտանգության և պաշտպանության խորհրդի որոշումը Ուկրաինայի դավաճաններին պետական ​​պարգևներից զրկելու մասին: Առաջին ցուցակում ընդգրկված է եղել 34 մարդ: Նրանց թվում են նախկին պաշտոնյաներ, պատգամավորներ, Ուկրաինայի Անվտանգության ծառայության ղեկավարներ, դատախազներ, արվեստագետներ։ Ռուս քաղաքական, կրոնական և մշակութային գործիչները անժամկետ զրկվել են Ուկրաինայի պետական ​​պարգևներից»,- ասվում է Զելենսկու գրասենյակի տարածած հաղորդագրության մեջ։ 

Նշվում է, որ նրանցից տասի նկատմամբ կիրառվել է պատժամիջոցների առավելագույն փաթեթ։ Խոսքը ոչ միայն պետական ​​պարգևներից զրկելու, այլ նաև ակտիվների արգելափակման, լիցենզիաների ու թույլտվությունների չեղարկման և առևտրային գործունեության ամբողջական դադարեցման մասին է։