Թուրքիայում քուրդ քաղաքապետ է ձերբակալվել

Այսօր՝ դեկտեմբերի 8-ին, թուրքական ուժերը ձերբակալել են մի շարք քուրդ ակտիվիստների և քաղաքական գործիչների, այդ թվում՝ Սիրթի քաղաքապետին։

Համաձայն Daily star անգլալեզու լիբանանյան պարբերականի՝ Սելիմ Սադաքը՝ Սիրթի քաղաքապետը, գտնվում էր այն 60 անձանց թվում, ովքեր ձերբակալվել են: Քաղաքական գործիչների մեծ մասը քրդական «Խաղաղություն և Դեմոկրատիա» կուսակցությունից էին:

Թուրքիան ձերբակալություններ է իրականացրել քուրդ քաղաքական գործիչների, ակադեմիկոսների, իրավաբանների, լրագրողների շրջանում՝ սկսած 2009-ից՝ քրդական Աշխատավորական կուսակցությանն աջակցելու մեղադրանքով: