Ադրբեջանի խորհրդարանում քննադատել են Փաշինյանին՝ «Արևմտյան Ադրբեջան»-ը Արևմտյան Հայաստանի հետ համեմատելու համար
Արտաքին Քաղաքական
«ՀՀ վարչապետ Նիկոլ Փաշինյանի փորձերը՝ զուգահեռ անցկացնել «Արևմտյան Ադրբեջանի» հարցի և Արևմտյան Հայաստան մտացածին հայեցակարգի միջև, անընդունելի են»,- այս մասին, ադրբեջանական ԱՊԱ գործակալության հաղորդմամբ, հայտարարել են Ադրբեջանի Միլի Մեջլիսում։
«Վարչապետը, թեկուզ բանավոր, կասկածի տակ դրեց «Արևմտյան Հայաստան» հասկացությունը և հայտարարություններ արեց «առասպելականից իրական Հայաստանին անցնելու» մասին, որոնք, ըստ էության, վաղուց արված քայլեր պետք է լինեին»,– ասված է հաղորդագրության մեջ։
Բաքվից պնդել են, թե իբր Արևմտյան Հայաստան արտահայտությունը «տարածքային պահանջ է, որն արտացոլված է ՀՀ Սահմանադրության մեջ»։
Միլի Մեջլիսի նախաձեռնող խումբը հիշեցրել է, թե «Արևմտյան Ադրբեջան համայնքը» բազմիցս դիմել է ՀՀ կառավարությանը, առաջարկել է երկխոսություն սկսել՝ կապված «արևմտյան ադրբեջանցիների վերադարձի» հետ, սակայն Հայաստանն անտեսել է այդ առաջարկը։
Ամենադիտված 
Մնաս բարյավ. Րաֆֆի Հովհաննիսյան
