Ըստ Զելենսկու խորհրդականի, Պուտինի ներկայացրած «Օրեշնիկ» հրթիռը գոյություն չունի

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հայտարարել է, որ ռուսական նորագույն միջին հեռահարության «Օրեշնիկ» հրթիռը, որը խոցել է Դնեպրում գտնվող ռազմական օբյեկտը, գոյություն չունի։

 

Այս մասին նա հայտարարել է ուկրաինական Единые новости հեռուստաալիքի եթերում, Euromedia24.com-ի փոխանմամբ` գրել է rbc.ru-ն:

 

«Ռուսաստանում «Օրեշնիկ» չկա. սա ոչ ադեկվատ մարդ է (նկատի ունի Պուտինին-Խմբ.), որն իր համար ինչ-որ անուններ է հորինում։ Դա դասական զենք է՝ միջմայրցամաքային բալիստիկ զենք, որն ամրագրված է պայմանագրերում։

 

Հիշեցնենք, որ ՌԴ նախագահ Վլադիմիր Պուտինն առաջին անգամ խոսել է «Օրեշնիկ»-ի մասին նոյեմբերի 21-ին: Այն օգտագործվել է Դնեպրում գտնվող օբյեկտին պատասխան հարվածի ժամանակ այն բանից հետո, երբ ուկրաինական բանակը ATACMS և Storm Shadow հրթիռներով հարվածներ է հասցրել Բրյանսկի և Կուրսկի մարզերում: