Վիլնյուսում ինքնաթիռն ընկել է բնակելի շենքի վրա․ օդաչուն մահացել է (լուսանկարներ)

Երկուշաբթի առավոտյան Լիտվայի մայրաքաղաք Վիլնյուսում՝ օդանավակայանից ոչ հեռու, գերմանական DHL ընկերության ինքնաթիռն ընկել է բնակելի շենքի վրա։ Նախնական տվյալներով՝ զոհվել է ինքնաթիռի օդաչուն։ Այս մասին հայտնել է Լիտվայի ոստիկանության վարչության ներկայացուցիչ Ռամունաս Մատոնիսը, հաղորդում է Reuters-ը։

Ոստիկանությունից հայտնել են, որ ժամը 05։31-ին հաղորդում է ստացվել, որ Վիլնյուսում բեռնատար ինքնաթիռը ընկել է երկհարկանի բնակելի շենքի վրա։ Ինքնաթիռում չորս մարդ է եղել՝ երկու օդաչու և երկու աշխատակից։

Ավելի ուշ ծառայությունները պարզել են, որ վթարը տեղի է ունեցել շենքի բակում։ Փրկարարները դուրս են բերել օդաչուին։ Նա գիտակցության է եկել։ Երկրորդ օդաչուն մահացել է։ Երկու տուժածները տեղափոխվել են հիվանդանոց։ 

«Այո, ունենք մեկ հաստատված մահ։ Անձնակազմի երկու անդամները, կենդանության նշաններով, դուրս են բերվել, ևս մեկին փնտրում ենք»,- ասել է ճանապարհային ոստիկանության պետ Ռենատաս Պոզելան։

«Բախտը բերել է, որ ինքնաթիռը հարվածել է ոչ թե տանը, այլ ընկել է բակում», - ասել է Պոզելան: