Ռումինիայում նախագահական ընտրությունների 2-րդ փուլ կլինի

Ռումինիայի նախագահի անկախ թեկնածու Կալին Ժորժեսկուն կիրակի օրը երկրում անցկացված ընտրությունների առաջին փուլում առաջատար է։ Նա ապահովել է ձայների 22,93%-ի աջակցությունը։ Ռումինական հեռուստատեսությունը հայտնել է երկրի Կենտրոնական ընտրական բյուրոյի հրապարակած վերջնական տվյալները, գրում է Interfax-ը։

Երկրորդ տեղը, ձայների 19,16%-ով, զբաղեցրել է վարչապետ Մարսել Չիոլակուն (Սոցիալ-դեմոկրատական ​​կուսակցությունից)։ Նա միայն մի քիչ է առաջ անցել «Միություն՝ հանուն Ռումինիայի փրկության» ազատական-պահպանողական կուսակցության ներկայացուցիչ Ելենա Լասկոնիից, որի օգտին քվեարկել է ընտրողների 19,13 %-ը։ Միաժամանակ, հարցը, թե ով է պայքարելու Ժորժեսկուի հետ երկրորդ ռաունդում, որը կկայանա դեկտեմբերի 8-ին, ինտրիգային է մնացել, քանի դեռ պաշտոնական վերջնական տվյալները չեն հրապարակվել։

Մինչդեռ Ժորժեսկուի արդյունքները ծայրահեղ զարմանք է առաջացրել ռումինական քաղաքական շրջանակներում, քանի որ Չիոլական և Լասկոնին ընտրությունների նախօրեին համարվում էին ֆավորիտներ։ Այս նույն թեկնածուներն անցել են երկրորդ փուլ՝ ըստ ընտրատեղամասերի exit poll-երի արդյունքների, որոնք հայտարարվել են քվեարկության ավարտից անմիջապես հետո։