Երևանում, Արտաշատում, Արմավիրում երեկ դիտվել է ռեկորդային բարձր ջերմաստիճան

Նոյեմբերի 25-ի ցերեկը հանրապետության մեծ մասում օդի ջերմաստիճանը նվազել է 5-13°C-ով։

«Հիդրոօդերևութաբանության և մոնիթորինգի կենտրոն» ՊՈԱԿ-ից մանրամասնում են, որ բացառություն է կազմել Արարատյան դաշտը, որտեղ դեպի ցիկլոնի կենտրոն տեղաշարժվող հարավ-արևելյան տաք օդային հոսանքների ներթափանցմամբ պայմանավորված օդի ջերմաստիճանը բարձրացել է 3-5°C-ով և առանձին հատվածներում գերազանցել տվյալ օրը դիտված պատմական առավելագույն արժեքները։

Այսպիսով, գրանցվել է․

.Արմավիրում  +19․4°C ջերմաստիճան (պատմական առավելագույն +17․3°C, 1970թ․),

.Արտաշատում +17․4°C ջերմաստիճան (պատմական առավելագույն +16․3°C, 2008թ․),

.Ուրցաձորում +17․9°C ջերմաստիճան (պատմական առավելագույն +16․9°C, 1966թ․),

.Երևանում +17․0°C ջերմաստիճան (պատմական առավելագույն +16․0°C, 2008թ․)։