Վրաստանի դեսպանները շարունակում են հրաժարվել պաշտոններից՝ ի նշան բողոքի

Վրաստանի փոխարտգործնախարար Թեյմուրազ Ջանջալիան, ինչպես նաև ԱՄՆ-ում և Լիտվայում երկրի դեսպաններ Դավիթ Զալկալիանին և Սալոմե Շապակիձեն հրաժարական են տվել մայրաքաղաք Թբիլիսիում և այլ քաղաքներում բողոքի ակցիաների ֆոնին։

Այս մասին հայտնում է «Ֆորմուլա» հեռուստաալիքը՝ ԱԳՆ-ում աղբյուրին հղումով։

Նշենք, որ Դավիդ Զալկալիանին երկրի արտաքին գործերի նախկին նախարարն է։

Հիշեցնենք, որ ավելի վաղ ԱՄՆ Պետդեպարտամենտը հայտարարել էր Վրաստանի հետ ռազմավարական գործընկերության դադարեցման մասին։