Բալթյան երկրները պատժամիջոցներ կկիրառեն Վրաստանի նկատմամբ

Լիտվան, Լատվիան և Էստոնիան պատժամիջոցներ կսահմանեն Վրաստանում բողոքի ցույցերը ճնշելու մեջ ներգրավված անձանց դեմ, հայտնել է Էստոնիայի արտգործնախարար Մարգուս Ցահկնան, փոխանցում է ՌԻԱ Նովոստին։

«Բալթյան երեք երկրները համատեղ պայմանավորվել են ազգային պատժամիջոցներ կիրառել նրանց դեմ, ովքեր ճնշել են Վրաստանում օրինական բողոքի ցույցերը»,- գրել է նա։

Նախօրեին եվրոպական դիվանագիտության ղեկավար Կայա Կալլասը և ընդլայնման հարցերով եվրահանձնակատար Մարթա Կոսը համատեղ կոմյունիկեում խոստացել են, որ վրացական իշխանությունների՝ անկարգությունները դադարեցնելու գործողությունները բացասական հետևանքներ կունենան Եվրամիության հետ հարաբերությունների վրա։